Acara Ibadah HKI Jemaat P.Banteng , Kalteng

HURIA KRISTEN INDONESIA (HKI)

Anggota Persekutuan Gereja-gereja di Indonesia (PGI)

JEMAAT PERSIAPAN HKI  P. BANTENG

TAHUN KELUARGA HKI 2016

PARTORDING  MINGGU XXV DUNG TRINITATIS

THEMA:(Maleaki: 3:19-20a)

MINGGU, 13 November 2016

(P: Paragenda ; H: Huria)

HORAS, SELAMAT DATANG & SELAMAT ARI MINGGU HITA SALUHUTNA

1.    VOTUM-INTROITUS

P: (Rim ma hita jongjong). Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, na manompa langit dohot tano on, dipasaor ma dameNa tu tondinta. Amen (Rap ma hita mandok di tangiangtai)

P+H: Ale Jesus Tuhannami, bereng hami na dison: PinarmahaMi do hami saluhutna na dison; sai asi rohaM di hami, sai pangolu hami on. Amen. (Hundul ma hita)

2.    MARENDE BE 850:1+ (2-3 Syair Suplemen napinatomutomu)

1.    Endehon ma Haleluya, Endehon ma Haleluya, Haleluya, Haleluya, Endehon ma Heleluya.

2.    Ro ma hita tu Debata, ro ma hita tu Debata, ro ma hita, roma hita, ro ma hita tu Debata.

3.    Hangoluan do HataM, Hangoluan do HataM, Hangoluan, Hangoluan, Hangoluan do HataM

3.    AYAT-TANGIANG-PATIK

P: Manang ise na mamelehon hamauliateon, i do na pasangap Ahu, jala mambahen lapang, asa hupatuduhon di ibana  hatuaon ni Debata (Psalmen 50:23). Martangiang ma hita: Ale Tuhan Debata Pargogo na so hatudosan jala Amanami! Nunga marpungu hami dison di ari PinarbadiaanMi.

H: Sai buhai ma pinggol dohot rohanami, asa marlas ni roha hami manangihon hataM na badia i, jala ringgas hami manimbangi dohot umpeopsa di bagasan rohanami, asa pos situtu rohanami martangiang tu Ho. Urupi ma hami, asa huparhaseang hami ariari ni ngolunami na jempek i pasangaphon goarMu. Sai pamasuk ma hami tu hangoluan na saleleng ni lelengna.

P: Pujionnami ma Ho disi marhitehite goar ni Tuhan Jesus Kristus Tuhannami. Amen

Didongani Tuhan Debata  ma hita saluhutna.Amen Haleluya

(mangendehon): Heleluya, Haleluya, Haleluya

Tatangihon ma Patik ni Debata ima Patik Paduahon dohot lapatanna (Dijaha paragenda) Rap ma hita mangido gogo:

H&P : Ale Tuhan Debata! Sai pargogoi ma hami mangulahon nahombar tu Patikmi. Amen

4.     MARENDE BE 255:1-2

1.    Holan sada do na ringkot Jesus lehon i di au, Manang aha pe na dapot Ndang tuk pasonangkon au, Nang arta nang sangap sude hamoraon Ndang tau mangalehon di au hasonangan, Alai molo dapot na sasada i Tongtong las rohangku hinorhon ni i

2.    Molo naeng di ho tondingku Arta na sasada i, Ndang tarbahen luluanmu Anggo so di ginjang i, Disi, di siamun ni Tuhan Jahowa Do hundul AnakNa na dung gabe jolma, Ibana do jambar na sun denggan i Antong o tondingku jalahi ma i.

5.    TANGIANG MANOPOTI DOSA-BAGABAGA HASESAAN NI DOSA

P: (Rap Jongjong ma hita manopoti dosanta): Ale Tuhan Debata, Parasiroha na manontong ro di salelenglelengna! Dipangido Ho do sian hami, asa saluhut ulaon na huula hami di bagasan ngolunami, hombar tu lomo ni rohaM, jala manghorhon hasangapon dohot pujipujian di Ho.

H: Huparhatopot hami do, na tongtong do dilehon Ho HataM, laho manungguli huhut paingothon hami asa tongtong hami mangula dibagasan hasintongan dohot sondang ni HataM. Alai di na hurajumi hami marhite-hite angka pambahenannami, sai songon alogo sambing do HataM na pinasahatMu, hubaen hami.

P: Didok Ho do asa gabe ditindangi HataM hami laho papatarhon angka asi ni rohaM nang silehonlehonMu tu tonga tonga ni portibi on, marhitehite angka ulaon na denggan maradophon dongannami nang di huriaM i.

H: Jotjot do hugabusi hami Ho, suang songon i dohot dongannami nang dirinami sandiri. Sai huhatindangkon hami do paboa halak na porsea hami, alai ndang barani hami pataridahon parbue ni haporseaon sian ngolunami. Maol do dapot holong ni roha di hami, ai sai jotjot ndang jumpang di hami roha habasaron, roha na marpanarihon maradophon angka na patut sisarihononhon, roha dame, roha na olo  mamelehon sian arta dohot pingkiran nang gogonami bahen harararat  ni harajaonMu.

P: Alai sai dirinami dohot sangkap ni rohanami do na sai hupatujolo hami di tongatonga ni ngolunami nang di HuriaM i. Suang songon i do nang padan dohot angka bagabaganami naung huhatindangkon hami di ngolunami nang Huriam i, ndang hugarar jalan dang hugohi hami.

H: On pe , ale Tuhan Debata, sai asi ma rohaM, tatap ma hami jolma pardosa on. Sesa ma saluhut dosanami na godang i. Pargogoi jala dongani ma hami tongtong marhitehite tondiM i, asa tarulahon hami songon na pinangido ni hataM sian hami.

P: Tangihon jala oloi ma tangiangnami on, marhitehite Tuhan Jesus Kristus Tuhannami. Amen. Tabege ma bagabaga ni Debata taringot tu hasesaan ni dosa: Ai munsat pe angka dolok, jala humuntal angka robean, alai anggo asiasingKu na so tupa munsat sian ho, jala padan ni hadameonhu na so tupa humordit, ninna Jahowa siasi ho. (Yes. 54:10). Hasangapon ma di Debata na diginjang.

H&P: Amen                                                                      (Hundul ma hita)

6. MARENDE BE 114:1-2

1. Ale Jahowa Debata  Sai tatap hami o,  Ai masiboan dosana be Do hami tu joloM, Asi rohaM di hami Sai sesa dosa i sude, Marhite Jesus AnakMi Na mate di hau  silang i,  Di Golgata Di dolok Golgata
2.  O Jesus haholongan i Sai tatap hami on. Ho  pangondingannami  i Ondingi hami on, Sai unang mago hami be  Ai na tinobusMi sude. Taluhon ma Sibolis i Ai na jorbut parulan ni, Pangolu be ma hami on sude.

7.    EPISTEL 2 Tesalonika 3:6-13

8.    MARENDE BE 125:1-3

1.    Marlasniroha hita on Mamuji Debata, Ai asi ni rohaNa i Do bongot tu rohanta i, Umbaen nuaeng mardomu i Dison sadari on Dison sadari on

2.    Dibaheni manggogo be Ma hita on sude, Mamuji Tuhan Jesus i Parasiroha godang i, Sibaen las ni rohanta i Nuaeng nang sogot pe Nuaeng nang sogot pe

3.    Alai taingot ma huhut Mambaen sangap  tongtong, Barita ni Tuhanta i Marhite parangenta i, Di jolo ni donganta i Di atas tano on Di atas tano on.

9.    MANGHATINDANGKON HAPORSEAON(Rap jongjong ma hita manghatindangkon Haporseaontai)

10.  MARENDE BE 112:1+4  (Pelean I & II)

1.    Haleluya  Tapuji ma Amanta Tuhan Debata Dibaen denggan basaNa, Sai tong girgir ma hita be Pasangap Debatanta i Dibaen asi rohaNa, Sangap, sangap, Hagogoon, Hatoguon, hapistaran, Di Amanta na di ginjang

2.    Haleluya. Di Tondi i  Na sangap, na badia i, Tadok mauliate,  Aut unang saor Ibana tu Rohanta na so dung togu Luhutna do mandate. Tua, tua Ma jambarta  bahenonna salelengna Di adopan ni Debata.

3.    Haleluya  Lam ganda ma Biarta mida Debata. Nang holong ni rohanta,  I ma mandasdas hita on Pasangap Debata tongtong Marhite parangenta, Puji,puji  Tolu hali taulahi manggandahon Tu Ibana hasangapon.

11.  JAMITA Maleaki 3:19-20a

Ende andorang Jamita

Hangoluan do HataM, sibegeon nami, Ala asi ni rohaM, o Debata nami, HataMi na rade, bahen bohal nami, Sai patorang ma sude, gabe ngolu nami

Ende sidung Jamita

Pasu-pasu hataMi, sai suan tu rohangki, Asa marparbue i, ale Jesus Tuhangki, Sai martua jolma i, na umpeop hataMi, Tangiangku nama i, sahat ma tu tanganMi

12.  TINGTING-TANGIANG TINGTING

13.  MARENDE BE 204:1-3 (PELEAN III)

1.    Ndang tadingkononku Ho Ale Jesus Sipangolu, Naeng ihuthononku do  Ho saleleng au mangolu,  Ho do hangoluanki Ndang tadingkononku i.

2.    Nasa na nilehonMi Tondi ro di pamatangku, Hosa dohot gogongki Ro di saluhut artangku, Hupasahat i tu Ho Na so unsatonku do.

3.    Nang lam buruk dagingki Nengel pinggol, rambon mata, Majal pangkilalanki, Dila so malo marhata, Tanda ajalhi naeng ro Jesus tioponku do.

14.  TANGIANG PANUTUP

P: (rap jongjong ma hita pasahat peleanta tu Debata): Ale Tuhan Debata.....

Rap ma hita mangido gogo di tangiangtai)

P+H: Ale Amanami na di banua ginjang.....

P: Dipasu pasu ....

P+H: Mangendehon: AMEN AMEN AMEN (Notasi:1 . 1.  ! 1 . 1 . ! 1 . 7 . 1 !)

MULAK MA DIBAGASAN DAME

4

 NASIAN TUHAN I