PARTORDING MINGGU ADVENT I JEMAAT HKI P.BANTENG, KALTENG

HURIA KRISTEN INDONESIA (HKI)

Anggota Persekutuan Gereja-gereja di Indonesia (PGI)

JEMAAT PERSIAPAN HKI  P. BANTENG

TAHUN KELUARGA HKI 2016

PARTORDING  MINGGU ADVENT I

THEMA: TAJANGHON MA JESUS SIPALUA I (YESAYA 2:1-5)

MINGGU, 27 November 2016

(P: Paragenda ; H: Huria)

HORAS, SELAMAT DATANG DOHOT SELAMAT ARI MINGGU HITA SALUHUTNA

1.    VOTUM-INTROITUS

P: (Rim ma hita Jongjong). Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, na manompa langit dohot tano on, dipasaor ma dameNa tu tondinta. Amen (Rap ma hita mandok di tangiangtai)

P+H: Ale Jesus Tuhannami, bereng hami na dison: PinarmahaMi do hami saluhhutna na dison; sai asi rohaM di hami, sai pangolu hami on. Amen. (Hundul ma hita)

2.    MARENDE BE 40:1-3

1.    Las be ma rohamuna Na igor roha i, Naung ro do Rajamuna Mamboan tua i, Ndang marpanggortap i Anggo di haroroNa, Alai tuk do gogoNa Padaohon jea i

2.    Ndang dilului rohana Dison sonangna  i, Di surgo habangsaNa HarajaonNa i Ai naeng buni dope, Di tano on sangapNa Dung tulus pe sangkapNa Patar ma i sude

3.    Hamuna angka raja Oloi ma Raja on, Ai hangoluanmuna Do dipatupa on Ai molo tois hamu,  Manjua di hataNa Sai talu do rimasNa Mangago tu hamu

3.    AYAT-TANGIANG-PATIK

P: Soara ni na joujou di halongonan: Pauli hamu dalan di Jahowa; patigor hamu di adaran dalan balobung di Debatanta. Ingkon gohan do nasa rura, jala parejeton nasa dolok dohot buntulbuntul, jala gabe na hornop do na marnangkok tuat, jala gabe rura tanggurung ni dolok.(Yes.40:3-4). Martangiang ma hita: Ale Tuhan Debata Pargogo na so hatudosan, Sitompa langit dohot tano on. Mauliate ma hudok hami tu Ho, ala asi ni rohaM na pataridahon hami sahat tu taon Huria na imbaru on.

H: Suanhon ma di hami panandaon di saluhut pambahenanMu marhitehite TondiM, asa lam huauhon hami balga ni panogunoguonMu, lehon ma di hami haporseaon na mangolu, asa sai manatap hami tu Ho di bagasan pardalanan ni ngolunami.

P: Lehon ma gogo dohot hiras ni roha di hami mamaritahon hataM i, asa lam rarat harajaonMu di liat portibi on, marhitehite goar ni AnakMu Jesus Kristus. Amen

Didongani Tuhan Debata  ma hita saluhutna.Amen Haleluya

(mangendehon): Haleluya, Haleluya, Haleluya

Tatangihon ma Patik ni Debata na Paopathon dohot lapatanna (Dijaha paragenda) Rap ma hita mangido gogo:

H&P : Ale Tuhan Debata! Sai pargogoi ma hami mangulahon nahombar tu Patikmi. Amen

4.     MARENDE BE 44:1-2

1.    Hamuna na porsea i Sai tomu Tuhan Jesus i Pahehe rohamuna,  Jonok do ari pesta ni Saluhut huriaNa i I ma hatutubuNa, I pe hehe ma hamuna Baen pantunna lao manjangkon Na manopot hajolmaon.

2.    Marlas ni roha situtu Saluhut halak na burju Lao mangihuthon Jesus,  I pe pataridahon ma Las ni roham di  Debata SangkapNa ma patulus, Puji puji  Jesus Kristus na manobus tondimuna Sian hamagoanmuna

5.    TANGIANG MANOPOTI DOSA-BAGABAGA HASESAAN NI DOSA

P: (Rap Jongjong ma hita manopoti dosanta): Ale Tuhan Debata, Amanami na di banua ginjang! Namarholong ni roha do Ho tu saluhut hami pardosa.

H: Nunga diehon Ho anakMu Tuhan Jesus Kristus, manaon haporsuhon dohot pardangolan, jala pola mate tarsilang holan humophop hami; naung mulak mangolu jala manaek tu banua ginjang mangondihon hami.

P+H: Mangendehon BE 182:2 “Husolsoli do rohangku Na gok dosa i tongtong, Ai godang ariaringku  Na hubahen ambolong”

P: Huparhatopot hami ma tu JoloM, paboa ndang huhangoluhon hami balga ni holong dohot pambahenanMi. Jotjot do marisuang doshon na so marguna hubaen hami nasa silehonlehonMi, ala ndang huringkoti jala huradoti hami dibagasan ngolunami. Sai buhai jala sungguli ma Haporseaonnami jala patinggil ma sipareonnami tumangihon HataM dohot soara ni TondiM.

H: Sai asi rohaM huhut palambas mida hami. Sesa ma saluhut dosa dohot angka pangalaosionnami di Hatam.

P+H: Mangendehon BE 182:3 “Sai jotjot do hutadingkon  DalanMi na tigor i, Kristen au, hape  hutondong  Dalan hamagoan i”

H: Sai ajari ma hami huhut mandok mauliate tu Ho, ala ni saluhut pambahenanMu dibagasan ngolunami. Sai jalo ma tangiang nami on, marhitehite Jesus Kristus Tuhannami. Amen

U: Tabege ma bagabaga ni Debata taringot tu hasesaan ni dosa: “Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana”. Hasangapon ma di Debata na di ginjang!

P+H: AMEN                                                                      (Hundul ma hita)

6. MARENDE 43:1-2

1. Padiri rohamuna Hamu parroha i,  Naung ro do tuamu na  Pasaehon  dosa i , Ro sian ginjang do Maningkir sidangolon, Ni nasa hajolmaon  Naeng buatonNa do
2. Pauli di Ibana Ma rohamuna be, Alai na so lomoNa  Padao  ma sasude, Dalanna naeng ture Lao bongot tu rohanta,  Ipe na tau sabatNa Pabali ma sude.

7.    EPISTEL  Mateus 24:36-44

8.    MARENDE BE 39:1+3

1.    Beha  ma panjalongku Di Ho O Tuhanki ? Beha ma panomungku Di Ho o Rajangki ? Sondangi ma rohangku na holom na bodo, Ai naeng patupaonku Las ni rohaM di Ho

2.    Ai ndang adong na hurang Na pinatupaMon, Mambaen tu au sumuang Dame ni rohangkon, Ai di na marsak ahu Binaen ni dosa i,  Ro Ho ale Pangolu Mandaoni sahithi.

9.    MANGHATINDANGKON HAPORSEAON(Rap jongjong ma hita manghatindangkon Haporseaontai)

10.  MARENDE BE 45:1-3 (Pelean I & II)

1.    Hosianna Anak ni, Raja David ro tu hita, Baen ture dalanna i, asa bongot tu rohanta. Baen ma gabagaba i, di Tuhanta na ro i.

2.     Hosianna ro ma Ho, tu bagasan rohanami; Na manomunomu Ho, ale Jesus Tuhannami. Las do rohanami i, molo bongot Ho tusi.

3.    Hosianna Raja ni Hadameon Ulubalang, Nasa na binoanMi Dame dohot hasonangan, Hami na hinophoMi Di nampuna i sude

11.  JAMITA Lukas 18:9-14

Ende andorang Jamita

Hangoluan do HataM, sibegeon nami, Ala asi ni rohaM, o Debata nami, HataMi na rade, bahen bohal nami, Sai patorang ma sude, gabe ngolu nami

Ende sidung Jamita

Pasu-pasu hataMi, sai suan tu rohangki, Asa marparbue i, ale Jesus Tuhangki, Sai martua jolma i, na umpeop hataMi, Tangiangku nama i, sahat ma tu tanganMi

12.  TINGTING-TANGIANG TINGTING

13.  MARENDE BE 591:1-3 (PELEAN III)

1.    Boru Sion las roham las roham Jerusalem, Ai na ro do Raja mi padamehon ho tongtong, Boru sion las roham las roham Jerusalem.

2.    Anak Daud ro ma Ho ! pasu-pasu bangsoMon, HarajaonMu hot tongtong dame ma di tano on, Hosianna ro ma Ho ! pasu-pasu bangsoMon.

3.    Hosianna ro ma Ho ! Masuk Ho tu rohangkon, Baen mardame tondingkon lao manjangkon haroroM, Anak Daud ro ma Ho ! Masuk Ho tu rohangkon.

14.  TANGIANG PANUTUP

P: (rap jongjong ma hita pasahat peleanta tu Debata): Ale Tuhan Debata.....

Rap ma hita mangido gogo di tangiangtai)

P+H: Ale Amanami na di banua ginjang.....

P: Dipasu pasu ....

P+H: Mangendehon: AMEN AMEN AMEN (Notasi:1 . 1.  ! 1 . 1 . ! 1 . 7 . 1 !)

MULAK MA DIBAGASAN DAME

4

 NASIAN TUHAN I