Umpasa Taon Baru dohot Natal oleh Ampu Hutasoit/Siborongborong

Umpasa taon baru
Artia mula ni ari,
Sipahasada mula ni bulan.
Manumpak Mulajadi,
ditambai ma di hita denggan ni hangoluan.

Nungga mumpat talutuk,
nungga sesa da gadu-gadu.
Nungga salpu taon naburuk,
nungga ro taon naimbaru.

Manetes-netes aek udan,
menetek ma sian bungkulan.
Umpasa on ma singkat ni badan,
singkat ni tangan masijalangan.

Halak Batak malo marumpasa.
Halak Manado malo mardansa.
Sude nahubaen nasala.
Jumolo ma sesa sian roha..

Napuran tano tano
Rongging marsiranggoman
Badanta padao-dao
Tondi ta marsigomgoman

Sada silompa gadong
Dua silompa ubi.
Sada pe namanghatahon,
Sudema dapotan uli..

Lambok bulung ni Suhat, purguk ditonga ni harangan. Tung SMS pe nasahat, naung surduk ma tangan masijalangan. "Selamat Natal 09 dan Tahun Baru 2010"
Siboru puas siboru bakkara. Molo dung puas sae soada be mara. Selamat natal 25 Desember 2009

"Demban do napuran naniantuk ni boru ni raja, Molo adong angka pangalaho nalobi hurang ditaon 2009 talupahon ma i sian bagasan roha"

Manetek aek udan manetek sian bungkulan. SMS sikkat ni badan, singkat ni tangan masijalangan.

Umpasa natal

Poltak ma Bulan tula di Toba manondangi bonani pinus, ro ma sude angka pasu-pasu sian Tuhanta ai nunga tubu sipalua ima Tuhanta Yesus Kristus. "Selamat Natal 25 Desember 2009"